شروط الإلتحاق بصفوف الجمارك

التوظيف في الجزائر

بالنسبة لي حابين يعرفو معلومات على الجمارك :
“”أولا و قبل كلشئ المسابقة مزال مافتحتش
ثانيا :الشروط للالتحاق بصفوف الجمارك
✓رتبة عون رقابة………..
السن 19_28 سنة
المستوى ثانية ثانوي على الاقل
الطول 1:66 للذكور و 1:56 للاناث
مستوى حدة البصر 15/20 اي على الاقل 7/10 للعين الواحدة
تسوية الخدمة الوطنية بالنسبة للذكور( اعفاء “بدون شهادة طبية” /ارجاء/ تأجيل)
ان تكون تتمتع بالصحة و اللياقة البدنية و ماعندك حتى مرض مزمن و ماعندكش اي آثار عملية من قبل ولا وشم…
غير مسبق قضائيا يعني شهادة السوابق العدلية تكون فارغة مافيها حتى حكم
✓رتبة ضابط رقابة ………
نفس الشروط لي فوق الفرق ف السن 21_30 و المستوى باك +2 ف احد التخصصات المطلوبة (درك نحطلكم التخصصات ف لي كومونطاغ)
رتبة مفتش رئيسي نفس الشروط لي الفوق الفرق ف السن 23_30 سنة و المستوى شهادة ليسانس ف احد التخصصات المطلوبة
✓رتبة مفتش عميد………..
نفس الشروط لي الفوق الفرق في السن 23_30 سنة و المستوى ماستر في احد التخصصات المطلوبة
بالنسبة للملف الاولي : (حسب اخر مسابقة اعلنوها) :
طلب خطي للمشاركة
استمارة معلومات مستخرجة من موقع الجمارك كي تفتح المسابقة
وصل دفع حقوق التسجيل 30 الف
2 تصاور و ممكن يطلبو 6 ( بلا خمار بالنسبة للمحجبات)
شهادة مدرسية ثانية ثانوي كاملة
شهادة اقامة
شهادة ميلاد 12
نسخة من بطاقة التعريف الوطني سارية المفعول
بالنسبة للملف التكميلي لي تدفعوه بعد ما يتم قبولكم ف الكونكوغ الكتابي و البسيكوتقني و لافيزيت و لونكات هو :
شهادة طب عيون مقدمة من طبيب خاص
شهادة صدرية من طبيب خاص
شهادة طبية عامة
شهادة القامة من عند لابوليس ديروها ف الكوميساريا التابعين ليها
شهادة الجنسية
شهادة السوابق العدلية
شهادة عائلية عند الاقتضاء
بالنسبة للبنات المحجبات لي حابين يلتحقو بالجمارك تنحي الخمار ف السطاج من بعد ف الخدمة نتي و زهرك على حساب وين يحطوك و قادر المدير يخليك ديريه و قادر نو سورتو مطار و الپور ممنوع مي البيرو عادي .
ملاحظة المسابقة مزالت عن قريب إن شاء الله تفتح